Open Talk 19: Integrasyon ng Katutubong Kaalaman sa Iba't Ibang Disiplina - University of the Philippines Open University

Tampok sa episode 19 ng OPEN Talk ang tungkol sa katutubong kaalaman at ang intregasyon nito sa iba’t ibang disiplina. Pag-uusapan natin ang importansiya ng katutubong kaalaman at kung paano ito magagamit sa ating lipunan sa panahong ito.

Upang talakayin ang mga usaping nabanggit, makakasama natin ang sumusunod na mga guro mula sa Unibersidad ng Pilipinas:

• Dr. Raymundo D. Rovillos
Propesor, Kolehiyo ng Agham Panlipunan, Kolehiyo ng Agham Panlipunan, UP Baguio

• Dr. Mary Jane B. Rodriguez-Tatel
Kawaksing Propesor, Departamento ng Filipino at Panitikan ng Pilipinas
Kolehiyo ng Arte at Literatura, UP Diliman

Nagbabalik si Dr. Jayson de Guzman Petras bilang tagapagpadaloy ng usapan. Si Dr. Petras ay ang Kawaksing Dekano para sa Pananaliksik, Malikhaing Gawain, at Publikasyon, Kolehiyo ng Arte at Literatura, UP Diliman at Affiliate Faculty sa Faculty of Education ng UP Open University.

Ang OPEN Talk ay mapapanood sa ika-2 ng Pebrero 2022, mula ika-10:00 hanggang ika-11:00 ng umaga (GMT+8) sa networks.upou.edu.ph/opentalk at sa https://www.facebook.com/UPOpenUniversityNetworks

#UPOpenUniversity

UP Open University (UPOU)

22 hours ago

Sa pagdiriwang ng ika-30 anibersaryo ng UP Open University, malugod kayong inaanyayahan ng All UP Workers Union (AUPWU) at All UP Academic Employees Union - OU Chapter (AUPAEU - OU) sa “Pamantasang Bukas, Tahanang Bukas” sa ika-24 ng Pebrero 2025. Ang pagbubukas ng tahanan ay magsisimula sa ganap na ala-1 hanggang alas-5 ng hapon sa Community Hub, UP Open University, National Highway, Barangay Maahas, Los Baños, Laguna. Nais naming buksan ang pinto ng Unibersidad upang maipakilala ang gawain, adbokasiya, at maging ang mumunting komunidad namin sa loob ng pamantasan.Magkakaroon ng tour sa aming mapagkalingang tahanan – mga espasyong hindi karaniwang nakikita sa publiko ngunit buhay na patunay ng pagsusulong ng open and distance e-learning (ODeL). Bukod sa pagbisita sa mga espasyo, ipapakita rin sa atin sa unang pagkakataon ang exhibit ni Carlo Dimaano, Artist-in-Residence/Futurist-in-Residence ng Faculty of Information and Communication Studies na pinamagatang Aglomerasyon: Mga Tunog at Imahe ng Ilusyon at Alyenasyon. At siyempre, magkakaroon din ng mga palaro at mumunting papremyo. Halina’t samahan kami sa pagbubukas ng ika-30 anibersaryo ng UPOU! Umaasa kami sa inyong pagdalo!#UPOpenUniversity #publicservice #UPOUat30 #AUPAEU #AUPWU ... See MoreSee Less

Photo

View on Facebook